Moeda de 50.000 iens

50.000 iens [1][2][3]
A/: Parella de garzas sobre fondo de ondas estilizadas.	R/: Crisantemo imperial. • 皇太子殿下御成婚記念 • 日 本 国 • 五万円 • 平成五年 ("Voda da Súa Alteza Real o Príncipe herdeiro • Estado do Xapón • 50.000 Yen • Ano 5 de Heisei").
Data de emisión: 5 (1993). Período: Heisei (1989-2019) Ceca: Casa da Moeda do Xapón. Aliaxe: ouro (999 ‰). Diámetro: 27 mm. Peso: 18,00 g. Canto: estriado.

A moeda de 50.000 iens é unha moeda xaponesa de ouro de carácter conmemorativo, cuñada pola Casa da Moeda do Xapón, exclusivamente en 1993 (五 "ano 5"), con motivo da celebración do casamento do príncipe herdeiro, Naruhito, con Masako.

Trátase da segunda moeda xaponesa con maior valor facial emitida ata entón, despois da moeda de 100.000 iens, aínda que non ten carácter circulante. Cuñouse tanto con acabamento estándar como cun acabamento especial para coleccionistas, coñecido como proof —fondo espello e relevo mate—.

1. ↑ "50 000 Yen - Heisei Wedding". Numista.com
2. ↑ "50,000 Yen (Wedding of Crown Prince Naruhito and Masako Owada)". Colnect.com
3. ↑ "The Wedding of His Imperial Highness The Crown Prince 50,000 yen Gold Coin". Mint.go.jp